Emisari i Bashkimit Evropian për dialogun Kosovë – Serbi, Miroslav Lajçak, nëpërmjet një postimi në X ka njoftuar për pjesëmarrjen e tij në Forumin Evropian Alpbach në Austri.
“EFA24 është unike për bashkimin e liderëve të rinj dhe transformuesve. Ishte vërtet frymëzuese të diskutoj me politikanë të rinj dhe shoqërinë civile të ‘Speak Up! BiH’, si dhe të shkëmbej pikëpamje dhe ide mbi Ballkanin, BE-në dhe politikën e jashtme në një bisedë”, ka shkruar ai në X.
Forumi Evropian Alpbach bashkon të rinj nga Evropa dhe nga e gjithë bota me figura nga politika, biznesi, shoqëria civile, kultura dhe shkenca për të nxitur idetë për një Evropë të fortë dhe demokratike.
