Monica Bellucci është shfaqur në shoqërinë e regjisorit të njohur Tim Burton, duke shkaktuar vëmendje të madhe nga mediat e mbledhura, një ditë para hapjes së Festivalit të 81-të të Filmit në Venecia.Monica Bellucci dhe Tim Burton mbërritën dorë për dore në prag të Festivalit tradicional të Filmit në Venecia. Monica tërhoqi vëmendjen me një kostum elegant të bardhë që i nxirrte në pah në mënyrë perfekte figurën e saj. Linjat klasike të kostumit e theksuan më shumë stilin e saj të rafinuar dhe gjithçka e plotësoi me një bluzë të thjeshtë të zezë. Me grim minimalist dhe aksesorë diskrete, Monika konfirmoi edhe një herë statusin e saj si një ikonë mode që arrin të dominojë lehtësisht çdo tapet të kuq.
Nga ana tjetër, Tim Burton ishte pikërisht e kundërta e partneres së tij të veshur me të zeza nga koka te këmbët. Ai e kompletoi look-un e tij me një kapele të zezë dhe syze me lente blu. Megjithatë, një detaj ra në sy nga të gjithë, Burton i dashuruar nuk ia lëshoi kurrë dorën Monikës.
Monika, meqë ra fjala, luan në filmin e ri Beetlejuice së bashku me Jen Ortega, si dhe me Michael Keaton dhe Wyona Ryder, të cilët dikur ishin në kastin origjinal të këtij filmi të Burton.
Prania e tyre në Festivalin e Filmit të Venecias vetëm sa shtoi pritjen e eventeve dhe premierave të ardhshme të filmave, duke premtuar një tjetër sezon të paharrueshëm në Venecia.
