Kryetari i LDK-së, Lumir Abdixhiku, vlerëson punën e Sibel Halimit, e cila u bashkua me Lidhjen Demokratike të Kosovës në një kohë sfiduese dhe sot udhëheq Drejtorinë e Kulturës në Kryeqytet.
“Gjashtë muaj në detyrë, ajo ka transformuar jetën kulturore të Prishtinës, duke sjellë aktivitete që ngjyrosin qytetin me energji dhe gjallëri”, ka shkruar ai.
Abdixhiku ka thënë se, mbrëmë, në Sheshin ‘Xhorxh Bush’, atmosfera ishte e ndezur me performancën e bendit ‘Don’t Listen To Your Neighbors’ si pjesë e festivalit “Akull n’Verë”, për të shtuar se, aktivitetet e organizuara nga Sibeli dhe drejtoria e saj kanë për qëllim të rikthejnë ndjenjën e komunitetit dhe të ofrojnë një hapësirë për të shijuar artin dhe muzikën në gjashtë netët e ardhshme.
“Sa pak kohë duhet për ndryshim, kur njeriu i duhur vendoset në vendin e duhur,” përfundon Abdixhiku, duke vlerësuar ndikimin e punës së Sibelit në kryeqytet. /Kosovatimes/
