Kryetari i LDK-së, Lumir Abdixhiku, priti emisarin gjerman për Ballkanin Perëndimor, Manuel Sarrazin, në Selinë Qendrore të LDK-së.
“Diskutimet u përqendruan në rëndësinë e pjesëmarrjes së Kosovës në Procesin e Berlinit, në prag të 10 vjetorit të tij, dhe në mundësitë ekonomike që ky proces ofron për Republikën e Kosovës”, ka shkruar ai.
Abdixhiku theksoi mbështetjen e plotë të LDK-së për këtë iniciativë dhe bëri thirrje për Qeverinë në largim që të përmbushë detyrimet e saj, pa dëmtuar pozicionin e Kosovës.
Ai premtoi se nga 9 shkurti, qeverisja e tij do t’i japë përparësi jo vetëm Procesit të Berlinit, por edhe iniciativave të tjera integruese, duke mos lejuar kompromis të interesave shtetërore për vendime populliste. /Kosovatimes/
