Pjesëtarët e Ekipit të Mjekësisë Ligjore të EULEX-it, së bashku me homologët e tyre nga Instituti për Mjekësinë Ligjore (IML), realizuan të martën një vizitë të përbashkët në një lokacion në komunën e Novi Pazarit, Serbi. Kjo vizitë është e para e këtij lloji dhe u organizua pas marrëveshjeve për punë në terren që u arritën në takimet e fundit të lehtësuara nga Komiteti Ndërkombëtar i Kryqit të Kuq (ICRC).
“Në këtë vizitë morën pjesë gjithashtu delegacione nga Komisioni i Qeverisë së Kosovës për Persona të Zhdukur, Komisioni i Serbisë për Persona të Zhdukur, Prokuroria e Serbisë për Krime të Luftës, ICRC dhe OJQ-ja e Kosovës, Qendra Burimore për Persona të Zhdukur”, thuhet në njoftim.
EULEX-i e ka mirëpritur këtë përpjekje të përbashkët dhe vazhdon të mbështesë partnerët e tij në IML dhe institucionet përkatëse për të ndriçuar fatin e personave të zhdukur. /Kosovatimes/
