Policia e Kosovës ka njoftuar për konfiskimin e 55 paketimeve me kokainë dhe arrestimin e dy personave në rastin e koduar “pesëshi” në Prishtinë. Sipas njoftimit, fillimisht është ndaluar një veturë me targa vendore të cilën ishte duke e drejtuar i dyshuari mashkull kosovar, ku gjatë kontrollit të tij, në trup i janë gjetur para të gatshme me vlerë 2790 euro, një telefon celular.
“Lidhur me rastin njësia policore ka vazhduar në një lokacion tjetër ku aty ka ardhur edhe i dyshuari i dytë mashkull kosovar i cili në momentin që kishte vërejtur policinë ka tentuar të ikte por pas ndjekjes së tij i njëjti është ndaluar dhe arrestuar. Gjatë kontrollimit të banesës që të dyshuarit dyshohet se e kanë shfrytëzuar janë gjetur një armë zjarri, një karikator, 15-fishekë, 2-peshore digjitale që shërbejnë për matje në sasi të vogla”, njofton policia.
Më tej operacioni ka vazhduar me kontrollimin e një garazhe, ku në pjesën e brendshme të saj janë gjetur edhe 23-paketime të mbushura me pluhur ngjyrë të bardhë në formë të ngurtë, të dyshuar për substancë narkotike të llojit kokainëe gatshme për shitje me peshë 133 gram.
“Në lidhje me operacionin e zhvilluar në vend të ngjarjes ka dalë forenzika e cila ka bërë fotografimin dhe konfiskimin e të gjithave dëshmive të gjetura si prova material, ndërsa personat e dyshuar janë shoqëruar për inicim të rastit dhe në konsultim me prokurorin kompetent, me urdhër të tij tënjëjtit pas intervistimit janë dërguar në qendrën e mbajtjes për 48-orë”, vazhdon njoftimi. /Kosovatimes/
