Presidentja e Kosovës Vjosa Osmani ka thënë se Shtetet e Bashkuara të Amerikës kanë qëndruar me Kosovën në vitet e 90-ta dhe vazhdojnë të qëndrojnë edhe tani.
“Lidhja jonë ishte e fortë atëherë, dhe sot është e pathyeshme”, ka thënë Osmani.
Duke folur për vizitën e senatorëve amerikanë në Kosovë, tridhjetë e katër vjet më parë, presidentja ka theksuar se senatorët të udhëhequr nga senatori Bob Dole, dëshmuan guximin e popullit të Kosovës, duke luftuar për lirinë e tyre.
“Në qendër të qytetit të Prishtinës, zëra guximtarë u ngritën kundër një regjimi brutal gjenocidal.
Sot vendi ynë është i lirë, i pavarur dhe demokratik. Vizita e 29 gushtit 1990 ishte një pikë kthese në historinë tonë.
Shtetet e Bashkuara qëndruan me Kosovën atëherë, dhe vazhdojnë të qëndrojnë me Kosovën tani. Lidhja jonë ishte e fortë atëherë, dhe sot është e pathyeshme”, ka shkruar presidentja Osmani në platformën “X”. /Kosovatimes/
Thirty-four years ago, a group of U.S. senators, led by Senator Bob Dole, visited Kosovo and witnessed the courage of the people of Kosovo, fighting for their freedom.
In Prishtina’s city center, brave voices spoke out against a brutal, genocidal regime.
Today, our country is… pic.twitter.com/DlWiRru0eW
— Vjosa Osmani (@VjosaOsmaniPRKS) August 29, 2024
