Dy persona kanë humbur jetën si pasojë e aksidentit të ndodhur të enjten në mbrëmje në Sllatinë. Drejtori i Emergjencës në QKUK Naser Syla, tha për RTKlive se sipas informacioneve një person ka humbur jetën në vendin e ngjarjes ndërsa një person tjetër (i gjinisë femërore) ka humbur jetën në Emergjencën e QKUK-së.
Tutje bëhet e ditur se edhe dy persona të gjinisë femrore, të përfshiera në këtë aksident, ndodhen në emergjencë.
Mjekët e emergjencës kanë thënë për RTKlive se një nga të lënduarat është në gjendje të rëndë.
Aksident i rëndë në Sllatinë, dy të vdekur dhe dy të lënduarRrokulliset një veturë në Sllatinë, Policia: Raportohet për pasoja fatale
Një aksident i rëndë ka ndodhur sonte në Sllatinë. Sipas policisë, një veturë në të cilën ndodheshin pesë persona ka humbur drejtimin dhe është rrokullisur.
Lajmin për RTKlive e ka konfirmuar Zëdhënësi i Policisë së Kosovës Daut Hoxha. Ai ka thënë se dyshohet se ka të vdekur.
“Me datën 29.08.2024 rreth orës 18:56, policia ka pranuar informatën se afër fshatit Sllatinë, drejtimi Prishtinë-Pejë, një veturë në të cilën gjendshin pesë persona kishte humbur drejtimin dhe ishte rrokullisur dhe është shkaktuar një vetëaksident.
Menjëherë policia ka reaguar në lokacion dhe janë njoftuar ekipet tjera emergjente dhe zjarrfikësit.
Sipas informatave fillestare dyshohet se përveç lëndimeve të rënda trupore raportohet edhe për pasoja fatale në këtë rast”, ka thënë Hoxha.
Tutje ai thotë se autoritetet ndodhen në vendin e ngjarjes dhe po kryejnë hetime.
