Shkruan: Shenoll MUHARrEMI
Partia në pushtet, LVV duket që është aktivisht në fushatë zgjedhore dhe tashmë po merr vendime me të madhe me qëllim që ja mundësojnë me mirëmbajtë përkrahjen, aq sa është e mundshme, pas një fitore spektakolare që vështirë që përsëritet ndonjëherë. Mesiguri që veriu është në qendër të fokusit të tyre, por ata po marrin edhe vendime ‘populliste’ elektorale që të atraktojnë sa më shumë vota. LVV në fund të mandatit të kujton secilën parti në të kaluarën që përdorte taktika klienteliste me mirëmbajtë pushtetin.
LDK na ka ofruar ‘Programin e Rrugës së Re’ që ka ide të freskëta por gjithashtu edhe ka një ekip të ri në lidership të partisë. Rruga e Re është zhvilluar muaj më parë dhe nuk është azhurnuar me gjasë. Ka projekte të mira dhe mund të sjellë freski. Por LDK ka mbetur aty, nuk ka avancuar me komunikim të programit për publikun. Më shumë është fokusuar tek kritika ndaj pushtetit, duke harruar kështu të shpjegoj programin e vet votuesëve potencial.
PDK ka bërë një veprim taktik ku ka ofruar një kandidat, që nuk është kryetari i partisë, për kryeministër. Këtë e ka ofruar si një ‘kompromis’ dhe një person më ‘teknik dhe neutral’, më profesional, që nuk është progragonist as i luftës e as pjesë e gjeneratërs së re. Ky është kompromisi i PDK rreth reformave të tyre të brendshme. As me të vjetrën, as me të renë ende… një mes pragmatik që e ruan bazën për vazhdim të reformave.
AAK-NISMA, partitë e vetme që nuk kanë ndërmarrë ndryshime gjeneracionale brenda dhe ku lidershipi i partisë nuk ka ndryshuar. Partia ka filluar me përfundu programin zgjedhor dhe është thujase më aktivja ditët e fundit duke bërë opozitë. Hendikepi i partisë është që ndoshta lidershipi nuk është shumë kompatibil me garu me gjeneratat e reja të LDK, PDK dhe LVV. Rrjedhimisht, partia mund të jetë nën presion se rezultatet e zgjedheve nuk mund të ju sigurojnë një vend në qeverinë e ardhshme. Kjo mund të rritë presionin për ndryshime gjeneracionale në lidership, ashtu si kanë bërë partitë tjera. AAK ka njerëz të përgatitur që mund të ofrojnë vlerë në të ardhmën.
Cka mungon deri tash janë idetë dhe vizion për projekte të ardhshme dhe ndryshe. ‘Rritja e pagave’ mbetet një proukupim kryesor dhe premtim që po përsëritet nga shumica e partive. Sikurse kjo po demostron që partitë nuk kanë ide të reja me ofru. Pak e hic përmenden vizione dhe ide rreth infrastukturës biznesore, apo edhe ndaj ndryshimit të bilancit tregtar super negativ që është një ndër problemet kryesore të ekonomisë.
As për teknologji, inkubatorë e qendra biznesi… as për AI dhe zhvillimet më të reja në botë nuk po flitet shumë. Ka një tendencë ndoshta që rezultatet janë të parapërcaktuara, ku LVV fiton, dhe pastaj patjetër njëri nga partnerët duhet të vie nga opozita. Kjo ndoshta po e ngushton garën dhe incentivin për partitë me u përgatitë më mirë për zgjedhje me me ofru paradigma dhe oferta e vizion të ri.
Por një gjë dihet, tri partitë kryesore kanë brenda tyre kuadro me eksperiencë të mirë që do të mund të ofronin shumë më tepër se kaq. Por ata nuk po vijnë në shprehje dhe sikurse programet nuk janë të rëndësishme, e as vizioni. Pjesa kryesore e narrativit zgjedhor duket se po fokusohet në kritika të punës së qeverisë.. por ndoshta një metodë më e mirë është me prezentu programin dhe vizionin e rezultatin tënd… e që shkon përtej ‘rritjes së pagave’.
Detyra e partive politike është të tregojnë ‘Si duhet të duket Kosova vitin 2030’.. Cili është propozimi i tyre dhe cikat janë metoda me arrritë këtë qëllim. Cili është potenciali dhe resurset në dispozicion dhe si të organizon ato që të arrihet më e mira për mirëqenien dhe perspektivën e qytetarëve.
