Në Ditën Ndërkombëtare të të Zhdukurve, kryetari i Lidhjes Demokratike të Kosovës, Lumir Abdixhiku, theksoi nevojën për drejtësi dhe zbardhjen e fatit të 1617 personave që ende rezultojnë të zhdukur nga lufta në Kosovë.
Ai riafirmoi angazhimin e LDK-së për të qëndruar pranë familjarëve të tyre dhe bëri thirrje për intensifikimin e përpjekjeve në kërkim të së vërtetës.
Abdixhiku kërkoi që presioni ndërkombëtar ndaj Serbisë të rritet për të gjetur viktimat dhe për të siguruar që krimet e së kaluarës të mos harrohen. /Kosovatimes/
