Presidenti francez Emmanuel Macron nisi një vizitë dyditore në Serbi. Ai pritet të arrijë një marrëveshje për të shitur avionë luftarakë Rafale në vendin ballkanik, i cili është përpjekur të balancojë lidhjet me Rusinë dhe Perëndimin që nga pushtimi i Ukrainës nga Moska. Kështu shkruan France 24 me rastin e vizitës së Macron në Beograd.
Kanali francez thekson se Serbia është kandidate për anëtarësim në BE që nga viti 2012 dhe shpreson të forcojë lidhjet me Francën.
Pritshmëritë e mëdha që Franca dhe Serbia do të nënshkruajnë një marrëveshje me vlerë miliarda euro për dërgimin e avionëve luftarakë në atë vend ballkanik gjatë vizitës së presidentit Emmanuel Macron në Beograd, sipas France 24.
Në artikullin për vizitën e Macron, France 24 kujton deklaratën e Aleksandar Vuçiqit për agjencinë AFP se ai shpreson se do të nënshkruhet një marrëveshje për “Rafaelet”.
Marrëveshja për blerjen e avionëve francezë Rafale do të ishte një nga disa marrëveshjet e nënshkruara gjatë vizitës, tha Vuçiq në një intervistë, duke njoftuar se “janë mijëra gjëra” që do të duhet të diskutojnë dhe shumë kontrata që do të nënshkruajnë.
Sipas një raporti të ABC News përpara vizitës, thuhet se Macron “do të takohet me presidentin populist Aleksandar Vuçiç në Beograd të enjten në mbrëmje, kur pritet të shpallet një kontratë me vlerë tre miliardë euro”.
Një zyrtar i paidentifikuar në kabinetin e Macron tha se bisedimet për avionët luftarakë janë pjesë e një strategjie më të gjerë për të “sjellur Serbinë më afër BE-së”.
