Festivali Ndërkombëtar i Filmit, “PriFest” ka shpalosur filmat garues në kategorinë e metrazhit të shkurtër.
“Këtë vit do të shfaqen pesë premiera kosovare, një evropiane dhe një regjionale”, njofton festivali.
Filmi nga Izraeli “On Tracks” nga Itai Kerem dhe Roni Vainer, Izrael do ta ketë premierën evropiane në Prishtinë, teksa flet për një udhëtim nate në Tel Aviv për të hedhur dritë mbi jetën e azilkërkuesve.
“Nothing but shadows” nga Kathy Mitrani është premierë kosovare që ka si rrëfim zbulimin e mbetjeve njerëzore të një protagonisti të vdekur.
Nga Kina do të shfaqet filmi “A tortoises year of fate” e që rrëfen një tregtim melankolik për modernitetin dhe rënien e lirisë.
“Highway of a broken heart” nga Greqia nën regjinë e Nikos Kyritsis, flet për një natë me plot supriza.
Gjatë “PriFest” do të shfaqet edhe “Why are you image plus” nga Diogo Baldaia e Portugalisë, që ka për protagonist një fëmijë që vdes nga kurioziteti.
Nga Shqipëria prezantohet filmi “Elena” nga Mateo Cingu, e që flet për përballjet e personazhes së quajtur Elena.
Premierën regjionale do ta ketë filmi “Der Blick” nga Olivier de Bree, që ndërlidhet me botën teknologjike.
Edicioni 16-të mbahet prej 10 deri më 15 shtator.
