Ish-zëvendësministri Anton Berisha ka kritikuar kryeministrin Albin Kurti, duke theksuar se paralajmërimet e diplomatëve dhe zyrtarëve amerikanë për dëmtimin e partneritetit me ShBA-të, përfshirë edhe atë të O’Brien në mesnatë, nuk po kanë ndikim te Kurti.
Berisha argumenton se këto kritika bazohen në pikëpamje racionale të interesit shtetëror të Kosovës, por Kurti nuk e ka pasur kurrë prioritet këtë interes.
Sipas Berishës, Kurti vazhdimisht ka mohuar arritjet e Kosovës dhe ka përdorur një gjuhë fyese ndaj figurave historike, nga dr. Ibrahim Rugova deri te kontribuuesit më të fundit.
Ai shton se pas fitimit të betejës politike brenda Kosovës, Kurti tani është përballur me detyrën për të fituar betejën me Perëndimin, një përballje që, sipas Berishës, nuk ka rëndësi për Kurtin dhe as për mbështetësit e tij. /Kosovatimes/
