Paraatleti Grevist Bytyçi ka garuar në 1500 metra, në kategorinë T46. Bytyçi u rendit i fundit, përkatësisht i 15-ti.
Paraqitja e sotme e Grevistit në Paris vjen pas pranimit të Kosovës në Komitetin Paralimpik Ndërkombëtar gjatë vitit të kaluar.
Grevist Bytyqi, garon sot në sportin e atletikës, ‘Paris 2024’
Bartësi i flamurit të Kosovës, Grevist Bytyqi, garon sot në sportin e atletikës, në distancën 1500 metra në Lojërat Paralimpik “Paris 2024”.
Bytyqi, sipas Komitetit Paralimpik të Kosovës, pritet të garojë rreth orës 11:11. Ai do të garojë në disiplinën e vrapimit 1500 metra.
Kosova, më 28 gusht, ka shënuar njërin ndër momentet më të rëndësishme në historinë e sportit të saj. Në mesin e mbi 50 mijë shikuesve nga mbarë bota, për herë të parë, flamuri i Kosovës ka valuar në ceremoninë hapëse të Lojërave Paralimpike “Paris 2024”.
Në këtë rrugëtim sfidues, Grevisti është i shoqëruar nga presidentja e Komitetit Paralimpik të Kosovës, Njomza Emini, trajneri Adrian Mazreku dhe shefja e misionit, Arjeta Gashi.
