Ish-kryeministri Avdullah Hoti ka shprehur kritika ndaj qeverisë aktuale për mungesën e realizimit të premtimeve në sektorin e arsimit, teksa nesër nis viti i katërt shkollor në mandatin e saj.
Sipas Hotit, dështimi në furnizimin e librave në kohë dhe me kosto të ulët ka pamundësuar një nisje të mbarë të vitit shkollor.
Ai gjithashtu ka theksuar mungesën e dialogut me sindikatat, çka ka ndikuar në mos përgatitjen e një kontrate të re kolektive.
Hoti nënvizoi se cilësia e librave dhe e materialeve mësimore nuk është rishikuar siç duhet dhe se shkollat ende nuk janë pajisur me pedagogë, psikologë dhe staf ndihmës për mësimdhënësit dhe nxënësit. /Kosovatimes/
