Kryetari i Pejës, Gazmend Muhaxheri, ka njoftuar se sheshi i ri do të jetë një zgjatim i sheshit ekzistues nga Hotel “Korza” deri tek Ura e Zallit.
“Projekti do të përfshijë punime me kalldrëm dhe gurë natyralë, gjelbërim të ri, ndriçim modern dhe një shëtitore të zgjeruar buzë lumit”, ka shkruar ai.
Ky investim synon të transformojë zonën në një hapësirë moderne dhe tërheqëse për qytetarët dhe vizitorët, duke ruajtur njëkohësisht elementet tradicionale të qytetit. /Kosovatimes/
