Armend Zemaj, përfaqësues i Lidhjes Demokratike të Kosovës (LDK) dhe pjesë e Ekipit Politik për Mërgatën, ka shprehur falënderime për kontributin e diasporës në lirinë dhe pavarësinë e Kosovës.
Në një mesazh drejtuar mërgatës, Zemaj theksoi angazhimin e tij gjatë tre viteve të fundit për riorganizimin e LDK-së në diasporë duke e konsideruar këtë parti si adresën kryesore të organizimit politik, në traditën e presidentit historik Dr. Ibrahim Rugova.
Duke theksuar rëndësinë e përfshirjes së rinisë dhe vlerësimit të kontributit të të gjithëve, Zemaj ftoi mërgatën të marrë pjesë në procesin e regjistrimit për zgjedhjet parlamentare të 9 shkurtit 2025, me afat të hapur nga 29 gusht deri më 26 dhjetor 2024.
Ai inkurajoi mobilizimin për një ndryshim të madh drejt një Kosovë demokratike dhe të zhvilluar, duke bërë thirrje për pjesëmarrje aktive në votime. Linku i regjistrimit për votuesit e mërgatës është: http://diaspora.kqz-ks.org/sq/AbroadVoter?ai= /Kosovatimes/
