Kryeministri Albin Kurti ka uruar fillimvitin shkollor, duke e cilësuar shtatorin si muaj të fillimeve të reja dhe rrugëtimit të përbashkët për mësimdhënësit, prindërit, nxënësit e institucionet shtetërore.
“Edhe këtë vit, po bëjmë subvencionimin e teksteve shkollore dhe materialeve mësimore për nxënësit nga klasa e parë (I) deri në klasën e nëntë (IX), ndërkohë që nga muaji gusht i kemi rritur shtesat për fëmijët deri në moshën 16 vjeç përmes së cilave po ofrojmë mbështetje të vazhdueshme të shtetit ndaj fëmijëve dhe familjeve”, ka shkruar ai në facebook.
Tutje Kurti ka thënë se MAShTI është angazhuar që viti i ri shkollor të fillojë mbarë. /Kosovatimes/
