Deputeti i Aleancës për Ardhmërinë e Kosovës, Besnik Tahiri ka deklaruar se krimi është në rritje. Ai duke komentuar ngjarjet e fundit që ndodhën në Prishtinë tha Qeveria e Kosovës duhet të reagojë.
“Pasiguria në kryeqytet është bërë brenga kryesore për qytetarët e Prishtinës. Mbrëmë, një vrasje e një djali të ri dhe pesë plagosje. Sot, një therrje e një djaloshi në një shkollë fillore. Si more spo ju vjen turp, asnjë reagim apo asnjë qëndrim nga qeveria e Kosovës, që na lodhi me popullizëm e kurr su morën me tema që janë brengë serioze. Apo, aty ky nuk ka votë e popullizëm nuk flisni”, ka shkruar në Facebook Tahiri.
Sipas tij, Kosova ka pak banorë që të ketë një nivel të tillë të krimit.
“A e shihni sa është rritur krimi nën udhëheqjen tuaj. Pak banorë jemi me pas këtë nivel të krimit. Turp!”,ka përfunduar ai. /Kosovatimes/
