Bëhet fjalë për një kredi që Serbia e ka marrë në vitin 2014 dhe që është dashur të shlyhet pas dhjetë vitesh, pra në gusht të këtij viti. Megjithatë, Serbia nuk i kishte ato para dhe ra dakord për një marrëveshje të re me Emiratet. Kredia do të shlyhet në gusht 2026 dhe për këtë ata do të paguajnë një normë interesi dy për qind më të lartë se sa ishte rënë dakord.
Dhe jo vetëm kaq, dy vite më parë Serbia mori një tjetër kredi nga Emiratet Arabe, po në vlerë prej një miliardë dollarësh, me një normë interesi prej 3 për qind dhe po ashtu në vitin 2026.
Krahas kësaj, Serbia edhe dy herë ka marrë hua nga Emiratet Arabe, kështu që borxhi i përgjithshëm ndaj këtij shteti arab ka kaluar 2 miliardë e 430 milionë dollarë amerikanë. Kur këtij borxhi i shtohet edhe interesi i kontraktuar, arrijmë në një shumë të tmerrshme mbi 3 miliardë dollarë amerikanë.
Serbisë do t’i duhej ta paguante atë shumë në dy vjet, në gusht 2026, gjë që duket krejtësisht joreale, ndaj Vuçiq ose do të kërkojë një vonesë të re ose do të kërkojë një kreditor të ri për të shlyer borxhin ndaj Emirateve Arabe.
Vuçiq mund ta zgjidhte atë problem me një marrëveshje kredie me Fondin Monetar Ndërkombëtar, por kjo nuk bëhet fjalë sepse në atë rast ai do të duhej të pranonte publikisht se e solli shtetin në prag të falimentimit.
Insajderët pohojnë se Vuçiq vendosi me vendosmëri të sjellë Rio Tinton në Serbi dhe të fillojë të nxjerrë litium pikërisht për shkak të borxhit të vonuar. Alternativa është – falimentimi i financave publike. Përkatësisht, borxhi publik i Serbisë ka tejkaluar shumën e frikshme prej 40 miliardë eurosh. RSE
