Qeveria e Republikës Demokratike të Kongos njoftoi sot se të dielën në mbrëmje të paktën 129 persona humbën jetën në përpjekje për t’u arratisur nga burgu Makala në kryeqytetin Kinshasa, duke theksuar se situata tani është nën kontroll.
Në një deklaratë të lëshuar këtë mëngjes në Platformën X, ministri i Brendshëm kongolez Shabani Lukoo tha se një zjarr shpërtheu në një ndërtesë administrative, depo ushqimore dhe një spital burgu dhe konfirmoi se 59 persona u plagosën, raporton Reuters.
“Tentativa e arratisjes masive nga Burgu Qendror i Makala rezultoi në vdekjen e një numri të madh njerëzish dhe dëme të konsiderueshme materiale”, konfirmoi Lukoo në një deklaratë video.
