FABRIZIO Longo, drejtori 62-vjeçar i Audi Italia, humbi jetën dje në një aksident në Adamello, në kufirin midis provincave Brescia dhe Trento në Itali.
Longo ka rënë në orët e para të pasdites së djeshme teksa ndodhej rreth 3000 metra mbi nivelin e detit në malin Adamello. Trupi i tij u gjet 200 metra larg majës së malit.
Personi që pa rënien e tij thirri menjëherë shërbimet e shpëtimit dhe operatorët e shërbimit të shpëtimit malor fluturuan mbi zonë me një helikopter të mbrojtjes civile, shkruan Ansa .
Ai është diplomuar për shkenca politike dhe ka punuar në Audi që nga viti 2013
Një helikopter zbarkoi një ekip shpëtimi në vendngjarje, por mjeku nuk mund të bënte asgjë më shumë se të shpallte vdekjen.
Longo lindi në Rimini në vitin 1962 dhe u diplomua për shkenca politike në Romë. Ai e filloi karrierën e tij në Fiat Auto në vitin 1987, duke mbajtur poste gjithnjë e më të përgjegjshme në fushën e marketingut.
Në vitin 2002, ai mori përgjegjësinë për tregun italian për markën Lancia. Pas përvojës në BMW Italia, Piaggio dhe Toyota Italia, ai filloi të punojë për Audi në 2013.
