Kryeministri Albin Kurti njoftoi se mesatarja vjetore e Investimeve të Huaja Direkte gjatë qeverisjes së tij ka arritur në 705.6 milionë euro, që është 2.4 herë më shumë se mesatarja vjetore prej 299.8 milionë euro gjatë qeverive të kaluara që nga viti 2007.
Kurti theksoi se qeverisja e mirë, sundimi i ligjit, reformat ekonomike, politikat tatimore të përshtatshme dhe mbështetja e investimeve kanë bërë që Kosova të jetë një destinacion gjithnjë e më tërheqës për investimet e huaja, duke krijuar një mjedis të favorshëm për investitorët ndërkombëtarë. /Kosova.info/
