Ministria e Arsimit ka njoftuar se sivjet kalueshmëria e Provimit të Maturës në afatin e gushtit është 60.9%.
“Ministria e Arsimit, Shkencës, Teknologjisë dhe Inovacionit (MAShTI), ka publikuar rezultatet e Provimit Shtetëror të Maturës, të cilit i janë nënshtruar 4476 maturantë, prej të cilëve kanë kaluar 2726 maturantë apo 60.9%”, njofton MAShTI në facebook.
Rezultatet e testit tashmë janë shpërndarë në shkolla, ndërsa afati i ankesave është deri më 6 shtator. /Kosovatimes/
