Kosovarët në diasporë dhe shqiptarët nga të gjitha viset e banuara me shqiptar që jetojnë dhe punojnë në Nürnberg të Gjermanisë me rrethinë, këtë vit janë mobilizuar si kurrë më parë për përfshirjen e nxënësve në mësimin plotësues në shkollat shqipe, duke vlerësuar se ruajtja dhe kultivimi i gjuhës dhe identitetit kombëtar në diasporë është pasuria më e madhe e cila nuk guxon të rrezikohet.
Derisa jemi në fillim të vitit shkollor 2024/25, grupi organizativ Lidhjes së Arsimtarëve Shqiptarë në këtë qytet ka barë dhe po vazhdon të bënë përgatitjet maksimale.
“Ne si grup organizativ jemi duke i bërë të gjitha parapërgatitjet për fillimin e vitit të ri shkollor të mësimit plotësues të gjuhës shqipe. Prandaj kërkoj nga të gjithë bashkatdhetarët që të regjistrojnë fëmijët e tyre në shkollën shqipe se vetëm në këtë mënyrë fëmijët tanë e ruajnë identitetin tonë kombëtar, sepse ADN-ja e një kombi është gjuha. Nuk ka shërbim më të madh që mund ti bëjmë kombit tonë sesa të kontribuojmë në sensibilizimin e bashkatdhetarëve tanë që fëmijët e tyre ti dërgojnë në shkollën shqipe në mënyrë që fëmijët tanë ta ruajnë gjuhën, kulturën dhe traditat e kombit tonë”, ka deklaruar Selim Hoti, Koordinator i Këshilli Organizativ i mësimit plotësues të gjuhës shqipe të Nürnbergut me rrethinë, me rastin e organizimit të takimit me prindërit dhe nxënësit shqiptar për fillimin e mbarë të vitit të ri shkollor. /Kosovatimes/
