Një sulm, i cili ka mundur të përfundojë me tragjedi, ka ndodhur rreth orës 14:20, në rrugën “Gazmend Zajmi”, në Aktash të Prishtinës.
Këtë e ka konfirmuar për RTK-në zëdhënësja e policisë për rajonin e Prishtinës, Flora Ahmeti.
“Sot rreth orës 14:20, kemi marrë informatën për gjuajtje me armë zjarri të ndodhur në rrugën ‘Gazmend Zajmi” në Prishtinë.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahmeti.
Bazuar në të dhënat fillestare, në këtë rast nuk ka persona të lënduar.
