Kryeministri i Kosovës, Albin Kurti, u ka kërkuar falje nxënësve të klasës 7/1 të shkollës fillore “Ali Hadri” në Podujevë, pas një vizite në ndërtesën e re të shkollës.
Gjatë bashkëbisedimit me nxënësit, Kurti u përball me një ekuacion matematikor, duke menduar fillimisht se zgjidhja ishte x=5. Ai më pas pranoi se rezultati i saktë ishte x=0 dhe e vlerësoi përkushtimin e nxënësve për ta kuptuar këtë më mirë se ai.
“Nuk do të merrja notë kaluese,” u shpreh Kryeministri me humor, duke theksuar mirënjohjen e tij për mikpritjen dhe dashurinë e treguar nga nxënësit. /Kosovatimes/
