Kryetari i Komunës së Vushtrrisë, Ferit Idrizi ka pritur të mërkurën në takim ambasadorin e Mbretërisë së Bashkuar, Jonathan Hargreaves.
Në njoftimin e Komunës së Vushtrrisë thuhet se ambasadorit i është prezantuar një pasqyrë e përgjithshme e qytetit të Vushtrrisë, si dhe mundësitë për investime dhe bashkëpunim me investitorë të jashtëm, në fushën e bujqësisë, turizëm urban dhe agroturizëm, industrinë e mobilierisë, të konstrukteve plastike e metalike e arsimin profesional.
Bëhet e ditur se ambasadori britanik ka vizituar edhe Kalanë e qytetit si dhe ka parë nga afër punimet në shesh dhe në parkingun nëntokësor.
“Ambasadori shprehi interesimin e tij për mundësitë e bashkëpunimit të kompanive britanike me ato vushtrriase të mobilierisë, si dhe mundësitë e investimeve direkte të kompanive britanike” thuhet në njoftim. /Kosovatimes/
