PAS gati 50 vitesh, në Greqi është rishfaqur një fshat i cili u zhyt qëllimisht si pjesë e ndërtimit të një dige për furnizimin me ujë të Athinës.
“Sa më shumë të ulet niveli i ujit, aq më shumë ndërtesa që janë zhytur në ujë pastaj dalin në sipërfaqe. Nëse nuk ka shi këtë dimër, problemi do të bëhet edhe më i madh”, thotë Apostolos Gerodimos, kryeplaku i fshatit të themeluar nga banorët e Kallios të zhytur në ujë.
Rreth 80 ndërtesa, duke përfshirë një kishë dhe një shkollë fillore, u zhytën në ujë pas ndërtimit të liqenit artificial. Liqeni është rreth 200 kilometra nga Athina dhe është ndërtuar në fund të viteve 1970.
Edhe pse kisha nuk është ende e dukshme, për shkak të rënies së nivelit të ujit, dallohen konturet e objektit prej guri ku ka qenë shkolla.
Zëvendëskryetari Kostas Kutsoumbas thotë se niveli i ujit këtë vit është ulur me 40 metra dhe se situata po përkeqësohet.
Greqia është e ekspozuar ndaj një sërë valësh të nxehti dhe një sasi të reduktuar shiu. Përqendrimi i merkurit në ujë ka arritur nivele rekord në qershor, korrik dhe gusht.
Në kushtet e thatësirës afatgjatë, kompania që administron ujësjellësin në zonën e Athinës njofton një menaxhim më të mirë të ujit dhe planifikon investime në vlerën 750 milionë euro.
