Shkruan: Dr. Muhamet KELMENDI
Kosova kërkohet të punon në bazë të Kushtetutës së vetë dhe në koordinim me faktorin relevant ndërkombëtar për sigurinë, sovranitetin dhe integritetin e shtetit. Dihet që Veriu i Kosovës është nën mbikëqyrje të sforcuar të KFOR-it dhe me këtë edhe të drejtpërdrejtë të NATO-s.
Kjo përkujdesje garanton një paqe të qëndrueshme në këtë anë të Republikës. Veç KFOR-it në veri është edhe Policia e Kosovës dhe EULEX. Këto forca garantojnë një gjendje stabile. Kuptohet se shteti serb ka mundësi që nëpërmjet grupeve kriminale të futet brenda në Kosovë. Kjo mund dhe pritet të ndodhi. Tash po bëhet edhe bllokimi i vendkalimeve kufitare midis Kosovës dhe Serbisë nga ana e shtetit serb. Kjo e ngarkon edhe më shumë sigurinë edhe këtej kufirit. Megjithatë, besohet se çështja është nën kontroll dhe do të mbetet. Tërë kohën sa NATO me trupat e veta gjendet në Kosovë edhe siguria është e garantuar në tërë shtetin e Kosovës, dhe ajo përforcohet. Pasiguria vjen nga brenda dhe këtu kërkohet një bashkërendim i aktivitetit të Kosovës me faktorin relevant ndërkombëtare, kuptohet pa e shkelur Kushtetutën e Kosovës. Shtrirja e sovraniteti në Kosovës duhet të vazhdon dhe të mos ndalet.
