Ushtria rumune kohët e fundit dërgoi thirrje për 6000 rezervistë, shumica e të cilëve shërbyen në ushtri më shumë se 10 ose 20 vjet më parë, dhe një fakt i tillë solli me vete një sërë situatash të çuditshme dhe vërtet qesharake.
Gjegjësisht, ushtria rumune ka nisur stërvitjen MOBEX, në të cilën janë ftuar 6000 rezervistë nga kategoria “veteranë”, dhe siç thuhet nga Ministria e Mbrojtjes, qëllimi është kontrollimi i aftësisë së tyre stërvitore dhe luftarake.
“Ne po bëjmë trajnime njëditore. Nga kjo rrjedh se, kur të kemi më shumë opsione, do t’i ngremë përgatitjet në një nivel tjetër. Stërvitja e sotme është vetëm një element,” tha gjenerali Iulian Daniliuc, kreu i Administratës për Personelin dhe Mobilizimin.
Megjithatë, thirrjet drejtuar veteranëve sollën me vete situata të shumta, mjaft të çuditshme.
Një nga rezervistët që dha një deklaratë për Digi 24 të Rumanisë tha se ai hoqi dorë nga stërvitjet para se ato të fillonin.
“Unë kam çorape të shkurtra, dhe çizmet më janë fshikëza. Kam qenë në ushtri para 20 vjetësh. Tani pajisjet janë të mira, por kam çorape të shkurtra. Nuk janë çizmet, por çorapet”, tha një nga rezervistët.
Pyetjes së gazetarit se çfarë pret ende në kamp, rezervisti u përgjigj.
“Po pres që të vijë ambulanca të më marrë. Kur më thirrën në stërvitje, në derë ishte edhe policia. Kam pasur pak frikë, por më kanë thënë pse më kanë thirrur”, tha ai.
Gazetarët e pyetën edhe nëse do të shkonte në luftë.
“Nuk e di. Nuk jam ai që kam qenë. Kam edhe pak bark”, i bëri të gjithë të qeshin.
Meqë ra fjala, duke folur për stërvitjen për veteranët, Daniliuc tha se ushtria rumune mund të mbështetet ende te ushtarët më të vjetër.
“Mendoni për gjeneratën e fundit që ka kryer shërbimin ushtarak në vitin 2006. Që atëherë kanë kaluar 18 vjet. Pra, ushtarët që ishin atëherë 20-24 vjeç tani janë mbi 38-40 vjeç. Mund të mbështetemi tek ata edhe për 10 vite të tjera sepse me ligj mund t’i ftojmë deri në moshën 55 vjeç”, përfundoi ai.
