Pas deklaratës së kryetarit të AAK-së, Ramush Haradinaj se ushtari i Kosovës vazhdon të ketë pagë 400 euro, ka reaguar Zëvendësministri i punëve të Brendshme, Bardhyl Dobra duke thënë se në FSK nuk ka më pagë 400 euro.
Kryetari i AAK-së, Ramush Haradinaj tha sot se ushtari i Kosovës vazhdon “të ketë pagë 400 euro e të ketë pajisje personale tepër joadekuate”.
Zëvendësministri i Punëve të Brendshme, Bardhyl Dobra i është kundërpërgjigjur deklaratës së Haradinajt.
Dobra tha se në FSK nuk ka më pagë 400 euro.
“Dezinformimi është i dëmshëm për shëndetin. Në FSK nuk ka më pagë 400 euro. LIGJI NR. 08/L-196 PËR PAGAT NË SEKTORIN PUBLIK dhe Ligji i Buxhetit për vitin 2024 Ushatari:
Koeficienti: 5.6
Vlera monetare e koeficientit: 110 euro
Paga bazë e ushtarit: 5.6 * 110 = 616 euro
p.s. pagës bazë i shtohet mandej edhe përvoja e punës etj,” ka shkruar Dobra.
