Çaji i Lotusit quhet ndryshe edhe “çaj bukurie”, largon ujin e tepërt nga trupi dhe është i shkëlqyer për tretje.
Çaji tradicional bimor i zambakut u pëlqye shumë nga gratë në pallatin mbretëror vietnamez dhe thuhet se edhe princesha kineze Yang Gui pëlqente ta pinte.
Çfarë është çaji zambak uji?
Çaji i Lotusit më së shpeshti bëhet duke tharë gjethet e zambakut dhe karakterizohet nga një aromë e butë.
Përveç nxjerrjes së ujit të tepërt nga trupi, ndihmon edhe në tretje. Ai gjithashtu rregullon funksionin e traktit gastrointestinal dhe kontribuon në ruajtjen e një sistemi të shëndetshëm tretës.
Përveç kësaj, një filxhan çaj zambak uji mund të veprojë si rregullues i stresit mendor dhe fizik, dhe ndihmon në uljen e tensionit, transmeton nova.rs.
Shumica e njerëzve pinë çaj zambak uji para se të shkojnë në shtrat, sepse ai siguron gjumë më të mirë, i cili gjithashtu ju ndihmon të zgjoheni më lehtë mëngjesin tjetër.
Është i popullarizuar në mesin e grave vietnameze si “çaj që zbukuron”, sepse gjoja e mban lëkurën të bukur, dhe gjithashtu ndikon në humbjen e peshës.
Si të konsumoni çaj zambak uji
Përfshirja e çajit të lotusit në rutinën tuaj të përditshme është një mënyrë e shkëlqyer për t’u kujdesur pak më shumë për veten. Sigurohuni që ta pini kur jeni të stresuar ose kur keni ngrënë shumë.
Ekzistojnë 3 lloje çaji zambak uji:
Çaji nga gjethet e lotusit thahet dhe bëhet çaj. Në këtë formë ndihmon në humbjen e peshës.
Çaji i Lotusit përmban aromën e luleve të zambakut dhe bëhet nga përzierja e luleve të zambakut.
Çaji i farës së lotusit bëhet duke tharë thelbin e farës së lotusit dhe është jashtëzakonisht i hidhur.
