Në fshatin Kërpimeh të Podujevës janë gjetur katër granata dore të pashpërthyera
Lajmin për RTKlive e ka konfirmuar zëdhënësja e Policisë për Rajonin e Prishtinës, Florie Ahmeti.
Ajo ka treguar se banorët janë evakuuar në një perimetër të caktuar dhe se policia menjëherë ka ndërrmarë të gjitha masat e sigurisë në atë zonë.
“Rreth orës 11:00, kemi pranuar një informatë se në fshatin Kerpimeh të Podujevë, janë gjetur mjete të dyshimta të pashpërthyera. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar policia ka evakuuar qytetarët, ndërkohë që janë angazhuar njësitet përkatëse për trajtimin e rastit të cilat në mënyrë të sigurt i kanë larguar mjetet e pashpërthyera ( 4 granata dore)”, ka thënë Ahmeti.
