Në vitin 1996, amerikanja Denise Rossi vendosi papritur të divorcohej nga bashkëshorti i saj Thomas, me të cilin ishte e martuar prej 25 vitesh.
Ajo i dha atij disa ditë kohë për të mbledhur gjërat e tij dhe për t’u larguar nga shtëpia e tyre, thjesht duke i thënë se ishte ngopur. Ajo pohoi se ishte e pakënaqur për një kohë të gjatë.
Megjithatë, e vërteta është se Denise fitoi 1.3 milionë dollarë në llotarinë amerikane 11 ditë para se të dorëzonte dokumentet e divorcit dhe ajo e mbajti të fshehtë nga burri i saj.
Ajo ka luajtur së bashku me kolegët e saj dhe secila prej tyre ka marrë 1.3 milionë dollarë, të cilat është dashur t’i marrin në 20 këste nga 66.800 dollarë secili, në periudhën 1996-2015.
“Ajo thjesht më tha të dilja nga shtëpia. Ajo kurrë nuk është sjellë kështu më parë,” tha ish-bashkëshorti i saj Thomas për People në 2004.
Thomas vazhdoi jetën e tij pas divorcit, derisa një ditë në adresën e tij mbërriti një letër e lidhur me llotarinë drejtuar ish-gruas së tij. Në atë letër, u zbulua se Denise kishte fituar milionin vetëm disa ditë para se të dorëzonte dokumentet e divorcit.
Gjykata vendosi në favor të tij
Çështja doli përpara gjykatës, e cila vendosi në favor të tij. Denise duhej t’i paguante burrit të saj shumën e plotë, sepse gjykata zbuloi se Thomas ishte viktimë e mashtrimit. Nëse ajo nuk do t’ia kishte mbajtur fitimet, me siguri do të kishte marrë të paktën gjysmën e parave, nëse jo të gjithë shumën.
“Gjyqtarja u zemërua nga veprimet e saj, kështu që ai i dha ish-bashkëshortit të saj të gjithë shumën,” tha më vonë ekipi i saj ligjor.
