Takimi ndërmjet KEK sh.a. dhe KRU “Prishtina” sh.a. është një hap pozitiv drejt forcimit të bashkëpunimit ndërmjet dy ndërmarrjeve publike të Kosovës. Vizita e z. Bekir Gërguri dhe bashkëpunëtorëve të tij në KRU “Prishtina”, e organizuar nga Kryeshefi Ekzekutiv z. Arsim Fetahu me zyrtare të lartë të këtij institucioni, ishte një mundësi për të ndarë përvoja dhe për të shqyrtuar mundësitë për një bashkëpunim më të ngushtë.
Gjatë takimit, për fokus ishin operimet dhe sfidat që përballën të dyja ndërmarrjet, si dhe objektivat që synojnë të arrijnë. Të dy krerët e ndërmarrjeve ranë dakord për krijimin e grupeve punuese që do të përgatisin një marrëveshje mirëkuptimi. Kjo marrëveshje ka për qëllim të forcojë bashkëpunimin ndërmjet KEK-ut dhe KRU “Prishtina”, dy kompani që janë nën pronësinë e të njëjtit aksionar, Qeverinë e Republikës së Kosovës.
Ky bashkëpunim është i rëndësishëm për koordinimin e mëtejshëm në sektorët e energjisë elektrike dhe të ujit, dhe do të ndihmojë në zgjidhjen e çështjeve të përbashkëta dhe përmirësimin e efikasitetit në shërbime. /Kosovatimes/
