Presidentja e Kosovës Vjosa Osmani ka falënderuar çdo amerikan që shërben në Kosovë. Ajo këtë gjë e ka theksuar pas njoftimit të Gardës së Ushtrisë Kombëtare të Idahos se rreth 100 ushtarë po bëhen gati për t’u vendosur në Kosovë në kuadër të KFOR-it.
“Populli i Kosovës ju mirëpret me zemër të hapur! Ne jemi mirënjohës për shërbimin dhe mbështetjen e çdo amerikani që shërben në vendin tonë dhe përkrah nesh”, ka shkruar Osmani.
Ndërkohë në njoftimin e misionit të ShBA-së në NATO, thuhet se pjesëtarë të Gardës së Ushtrisë Kombëtare të Idahos po vendosen jashtë vendit në mbështetje të misionit paqeruajtës të NATO-s në Kosovë. “Këta qytetarë-ushtarë do të trajnohen në Teksas, para se t’i bashkohen Operacionit Gardiani i Përbashkët për një vit. Siguria dhe stabiliteti i Kosovës dhe i Ballkanit Perëndimor është i një rëndësie strategjike për Aleancën”, thuhet në njoftim. /Kosovatimes/
Saying farewell
Members of the Idaho Army National Guard are deploying overseas in support of the NATO peace-keeping mission in Kosovo.
These citizen-soldiers will receive training in Texas, before joining Operation Joint Guardian for a year. The security and stability of… pic.twitter.com/g5okAJqQ2l
— U.S. Mission to NATO (@USNATO) September 6, 2024
