Supertajfuni Yagi, stuhia më e fuqishme në Azi këtë vit, tashmë ka goditur Vietnamin. Stuhia ka shkaktuar erëra të fuqishme që ka mbërritur shpejtësinë mbi 200 km/h.
Rreth 50 mijë banorë janë evakuuar nga zonat bregdetare në Vietnam ndërsa autoritetet kanë lëshuar urdhrin për banorët që të qëndrojnë Brenda shtëpive të tyre. Shkollat janë mbyllur në 12 provincat veriore të vendit, përfshirë edhe në kryeqytetin Hanoi.
Super Tajfuni Yagi ka goditur për herë të dytë, të premten në mbrëmje, provincën jugore të Kinës Guangdong duke detyruar pothuajse 1 milion njerëz që të evakuohen.
Erëra e fuqishme me shpejtësi mbi 200 km/ka shkaktuar pengesa në qarkullimin hekurudhor, ajror e detar si dhe mbylljen e shkollave por edhe pengesa tjera ndërsa dëme të konsiderueshme janë shkaktuar edhe në të mbjella.
Sipas mediave lokale rreth 830 mijë shtëpi apo banesa kanë mbetur pa energji elektrike. Raportohet për të paktën tre persona të vdekur dhe rreth 100 të lënduar.
Shkencëtarët thonë se tajfunet dhe uraganet po bëhen gjithnjë e më të fuqishme dhe më të shpeshta me ndryshimet klimatike. Ujërat më të ngrohta të oqeaneve bëjnë që stuhitë të marrin më shumë energji e kjo çon drejt erërave më të fuqishme dhe shpejta. Ndërsa një atmosferë më e ngrohtë bën që të mban më shumë lagështi, gjë që qon deri te reshjet më intensive.
