Kombëtarja e Kosovës në futboll të dielën pasdite ka udhëtuar drejt Qipros.
Dardanët nesër mbrëma do të përballen në udhëtim me Qipron, në sfidën e dytë të këtij sezoni në Ligën e Kombeve.
Pas humbjes nga Rumania, Kombëtarja jonë në duel me Qipron kërkon fitore në mënyrë që të mbetet në garë për pozitën e parë në grup.
Tre futbollistët, Edon Zhegrova, Arijanet Muric dhe Florent Muslija nuk kanë udhëtuar, pasi ata janë përjashtuar nga trajneri Franco Foda, për shkak të thyerjes së rregullores së ekipit kombëtar të vendosur nga përzgjedhësi dhe Federata.
Ndeshja Qipro – Kosova, luhet nesër nga ora 18:00 dhe transmetohet në RTK.
