Sipas tij, është arritur në pikën ku mungesa e një reagimi do të nënkuptojë domosdoshmërisht rrezikim të mirëqenies, mjedisit dhe lirisë. Në një raport prej 400 faqesh, ai rekomandoi se si të financohet dhe koordinohet politika e BE-së në mënyrë që të shmanget ngecja e saj në skenën globale.
Sipas këtij raporti, të paktën 750 deri në 800 miliardë euro në vit do të nevojiten që Unioni të mbajë hapin me konkurrentët si Shtetet e Bashkuara dhe Kina.
Ishte Kina ajo që u përmend disa herë në raport, e cila la të kuptohet për një ndryshim të politikës ndaj këtij vendi. Gjegjësisht, BE-ja në vitet e fundit e ka parë këtë vend si partner, konkurrent ekonomik dhe rival sistematik, por tani e sheh si kërcënim.
Draghi theksoi se është e nevojshme që BE-ja të vazhdojë të zvogëlojë varësinë e saj ekonomike për të rritur sigurinë e saj të brendshme. Përveç kësaj, ai paralajmëroi se është i varur nga disa furnizues të lëndëve të para kritike dhe teknologjive dixhitale. Siç theksoi ai, 75 deri në 90 për qind e kapacitetit të prodhimit të çipave është në Azi, raporton Euronews.
