Skruan: Florim ZEQA
Edhe përkundër nevojes për hapjen sa më parë të Urës mbi Ibër, vështirë që kjo do të realizohet pa zgjidhjen e çështjes së Asociacionit, që i bie se, Albin Kurti duhet të përmbush kushtin themeltarë të ndërkombëtarëve për Asociacionin, pastaj vjen hapja e Urës që simbolizon edhe bashkimin e qytetit të ndarë në dy komuna, dëshirë kjo e qytetarëve dhe kërkesë e gjithë spektrit politik vendor, pa dallime pozitë dhe opozitë.
-Fati i urës mbi lumin Ibër është në dorën e ndërkombëtarëve, i atyre që e ndanë Mitrovicën në dysh dhe Veriun si tërësi! Thënë edhe më qartë, fati i urës nuk është në dorën e Qeverisë së Kosovës, e më së paku të Albin Kurtit si kryeministër i vendit. Menagjimi i veriut të Kosovës dhe shtrirja e sundimit të ligjit, integrimi i pakicës serbe dhe pastrimi i këtij territori nga strukturat paralele të cilat i kanë sfiduar për më tepër dy dekada e gjysmë të gjitha institucionet legale e kushtetuese të shtetit të Kosovës, hë për hë mbeten vetëm dëshirë e Albin Kurtit. Këtë e bëri të qartë edhe emisari i BE-së, sllovaku Mirosllav Lajçak javën e kaluar në Prishtinë, kur tha se çështja e urës mbi Ibër është temë e përjashtuar nga faza e tanishme e dialogut me Serbinë! Kurse hapja e saj nuk është më në agjendën e kryeministrit Kurti, pasi hapja do të bëhet në një moment më të përashtatëshëm dhe në koordinim të plotë me shtetet e QUINT-it dhe forcat paqeruajtëse të KFOR-it, e assesi me veprime të njëanshme! Pavarësisht dallimeve në qasje dhe pikëpamje politike, pushteti dhe opozita duhet të jenë më të bashkuar rreth Veriut dhe dialogut me Serbinë në veçanti. Edhe përkundër nevojes për hapjen sa më parë të Urës mbi Ibër, vështirë që do të realizohet pa zgjidhjen e çështjes së Asociacionit, që i bie se, Albin Kurti duhet të përmbush kushtin themeltarë të ndërkombëtarëve për Asociacionin, pastaj vjen hapja e Urës që simbolizon edhe bashkimin e qytetit të ndarë në dy komuna, dëshirë kjo e qytetarëve dhe kërkesë e gjithë spektrit politik vendor, pa dallime pozitë dhe opozitë. Për të mos u zgjatur në historikun e ndarjes dhe të zhvillimeve politike në këto 25 vjetët e fundit, do të ishte gabim fatal për Kosovën, nëse Albin Kurti e përdor Urën mbi lumin Ibër për çështje elektorale, pasi asgjë deri më sot nuk është bërë në Kosovën e pasluftës pa pëlqimin e ndërkombëtarëve.
