Siç u njoftua, Volkswagen informoi sindikatat IG Metall për ndërprerjen e të ashtuquajturit sigurimi i punësimit dhe sigurimi i të ardhurave të punonjësve.Nëse sindikata dhe gjigandi i industrisë së automobilave nuk bien dakord për një program të ri të mbrojtjes së punonjësve, Volkswagen do të ketë të drejtën të pushojë punonjësit për arsye operacionale nga korriku 2025.
Krahas kësaj kontrate, VW ka ndërprerë edhe kontrata të tjera kolektive, duke përfshirë garancinë për punësimin e kursantëve dhe rregulloren e punës me afat të caktuar.
Lidhur me këtë vendim është shprehur edhe negociatori në emër të sindikatës Thorsten Groger, i cili tha se nëse nuk arrihet një marrëveshje deri në qershor 2025, Volkswagen do të ketë probleme të mëdha dhe do të përballet me rritje të ndjeshme të kostove.
“Nëse e humbim këtë kontratë do të hyjë në fuqi ajo që ka qenë aktive para vitit 1994. Kjo ndër të tjera parashikon orar më të gjatë pune me kompensim të plotë pagash, pauza shtesë apo shtesa më të larta për orarin jashtë orarit dhe punën të shtunave”, tha ai. .
