Shkruan: Agim BAJRAMI
Qeveria aktuale disponon kapacitete të nivelit intelektual të kurseve propagandistike populiste, më shumë të prirë për devotshmëri të betuar të frymës partiake,se sa të nivelit të lartë intelektual me vizion të qartë për të ardhmen dhe të vlerësimeve dhe analizave argumentuese intelektuale të karakterit të ngjarjeve ndërkombëtare e të realitetit aktual rreth zhvillimeve që sjellin rikonfigurim të rendit të ri botëror,evropian e rajonal, dhe në bazë të këtyre ngjarjeve, edhe pozicionimi i qartë në interesat e aleancave të cilat përputhen me interesat e vendit dhe miqve ndërkombëtar.
-Praktikat kanë treguar, se vendet e dala nga okupimi apo diktaturat e regjimeve të ndryshme, nëse nuk ndjekin politika të mirëfillta qeverisëse intelektuale, dhe në çështjet e angazhimeve të ruajtjes dhe krijimit të aleancave të reja ndërkombëtare, gjatë fazave të tranzicionit të reformave shoqërore e të shtetndërtimit, vendet dhe shtete e tilla janë të predispozuara drejt dështimit të tyre. Dhe konkretisht Kosova e ka arrit lirinë e vet, në saj të angazhimit të kapaciteteve të saja të brendshme intelektuale, pasi në ballë të lëvizjes për liri dhe pavarësi të viteve të 90 dhe për gjatë historisë kishte të angazhuar elitën intelektuale përmes programeve të qarta politike kombëtare që prezantohen në zyrat e vendimmarrjes ndërkombëtare. Në saj të platformës dhe programit politik Kosova zyrtare atëherë arriti ti bind në planin e brendshëm popullatën në organizimin kombëtar, ndërsa në planin ndërkombëtar, ta dëshmon se Kosova ka kapacitete ti zbatoj interesat dhe strategjitë e aleatëve ndërkombëtar duke i harmonizuar interesat e aleatëve me planin e interesave të brendshme kombëtare në përballje me okupimin klasik serb për gjatë atyre zhvillimeve ballkanike dhe shembjes së sistemit të lindjes komuniste në Evropë. Po si qëndron tani situata me Kosovën: Kosova vuan për mungesën që proceseve ti prinë elita e mirëfilltë intelektuale e që në fakt në Kosovë nuk ekziston, edhe pse ka individ të mirëfilltë të kapaciteteve intelektuale të nivelit evropian e më gjerë por jashtë rrjedhave të qeverisjes aktuale. Qeveria aktuale disponon kapacitete të nivelit intelektual të kurseve propagandistike populiste, më shumë të prirë për devotshmëri të betuar të frymës partiake,se sa të nivelit të lartë intelektual me vizion të qartë për të ardhmen dhe të vlerësimeve dhe analizave argumentuese intelektuale të karakterit të ngjarjeve ndërkombëtare e të realitetit aktual rreth zhvillimeve që sjellin rikonfigurim të rendit të ri botëror,evropian e rajonal, dhe në bazë të këtyre ngjarjeve, edhe pozicionimi i qartë në interesat e aleancave të cilat përputhen me interesat e vendit dhe miqve ndërkombëtar. Në anën tjetër në demokracinë e brendshme, në mungesë të vlerave të mirëfillta të sistemit arsimor për të krijuar gjeneratën e re të përgjegjshme të te rinjve, trupi votues nga këta të rinj, mbështetet në vetëdijen poulliste, në euforinë romantike folklorike kur ngjarjet i shikojnë dhe kujtojnë nga këndvështrim dhe nga një pikëpamje lokale jashtë realitetit të ndërlidhur ndërkombëtar dhe të tillët liderë partiak janë të predisponuara që politikat e tyre qeverisëse ti përshtatin në ëndrrat e këtyre votuesve, edhe pse reflektojnë efekte të dëmshme për të sotmen dhe të ardhmen e vendit dhe të shtetit. Dhe kur dështimi vjen nga kapaciteti i munguar i brendshëm intelektual e politik, klasa e tillë politike dështimet i adreson tek faktori i jashtëm, apo duke u thirr në shtrirje të konceptit të sovranitetit, komponent i cili bie ndesh me proceset integruese globale dhe evropiane. Për rrjedhojë të kësaj, klasa politike dhe intelektuale serbe, me hollësi i shfrytëzon gabimet e klasës intelektuale kosovare dhe mungesën e elitës intelektuale kosovare, duke e paraqit Kosovën si rrezikim të qenies serbe në Kosovë, dhe domosdoshmërinë e intervenimit ndërkombëtar për mbrojtjen e tyre. Mjerisht edhe klasa politike kosovare me veprimet e saja po e luan vallen e interesit serb me vetëdije apo vetëdije, kundër interesit të shtetit të Kosovës, në emër të shtrirjes së sovranitetit të Kosovës edhe në vendbanimet me shumicë serbe, dhe kur dihet se ingerencat e një shteti shtrihen në financa qendrore,dogana,politika zhvillimore e fiskale të shtetit, dhe politika të sundimit të ligjit me specifika të dalluara integruese për minoritete. Dhe a do të ketë sukses avancimi i politikës aktuale qeverisëse,sigurisht se jo. Andaj shtrohet pyetja: A ja vlen i gjithë ky angazhim, megjithëse proceset kanë shkuar shumë larg për së keqi që vështir t’i kthesh nga e mara pa e arrit efektin e vetë negativ….S’ka elitë intelektuale dhe si rrjedhojë as politike siç ti e mendon?!
