Siç tha për televizionin grek Mega, ky aktor dhe instruktor zhytjeje, i cili u prezantua vetëm si Nektarije, gjithçka ndodhi “me shpejtësinë e dritës”.
“Ne ishim duke xhiruar një nga skenat kryesore pikërisht pranë detit, kur dëgjova një tingull të pazakontë. Vazhdoi, kështu derisa vendosa të kontrolloja se për çfarë bëhej fjalë. Si instruktor i zhytjes , supozova se një kafshë ishte në telashe.” ka thënë Nektarije.
Ai shpjegoi se më pas vendosi të kontrollonte se çfarë po ndodhte.
“Doli që breshka , kërkon ndihmë sepse u ngatërrua në litar. Unë iu afrova dhe arrita ta liroj”, tha Nektarije.
“E dija që ajo ishte e frikësuar, e mbajta ndërsa ajo notonte, notova pranë tyre shumë herë. Dhe më pas, ndërsa kalova para saj, ajo më kafshoi në prapanicë. Nuk ishte një pickim i vështirë, por filloi të me rrjedh gjak, na u desh të ndalonim xhirimet”, ka shpjeguar aktori atë moment për të cilin u përfol nga mediat greke dhe botërore.
“Kam dëgjuar incidente të tjera më serioze se të miat. Është mirë që ka kaq shumë jetë aktive detare, por nëse thjesht po noton dhe një nga kafshët të sulmon, kjo tashmë është një problem,” tha Nektarije.
“Kam vuajtur sepse doja të bëja një vepër të mirë dhe në fund të fundit nuk do të këshilloja askënd të bënte atë që bëra. Gjëja më e mençur dhe më korrekte është të thërrasësh një ekspert”, përfundoi aktori.
