Ambasadori i Gjermanisë në Kosovë, Jorn Rohde, ka uruar presidenten Vjosa Osmani për çmimin “M100 Media Award” me të cilin u nderua dje në Potsdam të Gjermanisë.
Ambasadori Rohde ka thënë se ky çmim njeh përkushtimin e Osmanit ndaj lirisë së mediave. ai ka theksuar edhe pritshmërinë e fortë për angazhimin e vazhdueshëm në ruajtjen e saj.
“Urime për Presidente Vjosa Osmani për marrjen e çmimit M100 Media në Potsdam ! Ky çmim jo vetëm që njeh përkushtimin tuaj ndaj lirisë së medias – një shtyllë kyçe e çdo demokracie, por gjithashtu thekson pritshmërinë e fortë për angazhim të vazhdueshëm në ruajtjen e saj!”, ka shkruar Rohde.
Pas marrjes së çmimit, Osmani ka thënë se demokracia, sundimi i ligjit, integrimi i Republikës së Kosovës në strukturat euroatlantike, janë dhe do të jenë gjithnjë udhërrëfyes në rrugën përpara.
