Në kafenetë në sheshin “Mbreti Petar” po transmetohet fjalimi i presidentit serb Aleksandër Vuçiq, por qytetarë që po ndjekin këtë konferencë pati pak.
Me gjithë paralajmërimet për grupe të mbledhura njerëzish, të thirrur nga grupe të caktuara serbe dhe propagandës në rrjete sociale, për të ndjekur nga sheshi i Mitrovicës veriore konferencën e presidentit serb, rrugët dhe sheshi janë pothuajse bosh.
Ndërkohë, Policia e Kosovës ka larguar pamfletet që ishin vendosur mbrëmë në veri të vendit, një ditë pas aktakuzës së Prokurorisë Speciale për rastin e Banjskës. “Të gjithë jemi Milana dhe vëllezër nga Banjska, ju okupatorë në ne zgjoni egërsinë, ju presim në veri. Komandant vetëm thuaj, fluturojmë si plumbat”, thuhej në këto pamflete që ishin vendosur nëpër vende të ndryshme në Zubin Potok, Mitrovicë të Veriut, Zveçan e Leposaviq. /RTK/
