Ish-futbollisti gjerman Georg Koch (52) është diagnostikuar me kancer pankreatik dhe i kanë mbetur vetëm dy muaj jetë.
Katër muaj më parë, mjekët i thanë se i kishin mbetur vetëm gjashtë muaj jetë.
“Unë iu nënshtrova kimioterapisë dhe mora një ilaç nga Shtetet e Bashkuara të Amerikës, i cili fatkeqësisht nuk është i aprovuar në Gjermani”. Më kushtoi shumë, por prandaj jam ende gjallë. Kjo është një gjë e mirë”, tha Koch.
Ai ka ardhur në intervistë me një bluzë me mbishkrimin “deri në fund të hidhur”.
“Është humori im, jam unë”, tha portieri.
Siç ka theksuar ai, as për asnjë moment nuk ka menduar se pse po i ndodh kjo.
“Ka kaq shumë njerëz që jetojnë me kancer dhe sëmundje të tjera. Nuk dua ta vendos veten në plan të parë. Unë nuk pyes ‘pse unë’. Ne mund ta bëjmë këtë lloj interviste me këdo, dhe ata e pyesin veten këtë. Kjo është intervista ime e fundit. Fakti që mund të flas këtu qëndron vetëm në faktin se jam në plan të parë si portier”, tha gjermani.
Gjatë karrierës së tij, Koch mbrojti për Fortuna Dusseldorf, PSV, Arminia Bielefeld, Kaiserslautern, Cottbus, Duisburg dhe gjithashtu ishte në Dinamo Zagreb në sezonin 2007/08.
