Kryeministri i Kosovës, Albin Kurti sot vizitoi familjen e Adem Mikullovcit, ku ka thënë se intelektualët dhe artistët e mëdhenj si Adem Mikullovci, e kanë vendosur veten në ballë të popullit, pa marrë parasysh rrezikun.
“Adem Mikullovci pa u trembur prej përndjekjes nga regjimi mizor serb, ishte pjesëmarrës i Kuvendit që shpalli Kushtetutën e Kaçanikut më 7 shtator 1990, dhe gjithnjë ishte me vepër e me zemër pranë çështjes kombëtare”, ka shkruar Kurti në Facebook.
Sipas tij, megjithatë ai kurrë nuk e la pas dore skenën dhe humorin, pasionet e tij jetësore. “Në ato vite terri të thellë buzëqeshja e tij e mençur na sillte pakëz dritë dhe shpresë. Por edhe më vonë, gjatë lirisë që do ta kemi përgjithmonë”, tha ai. /Kosovatimes/
