Shkruan: Shenoll MUHARrEMI
Dje kemi shikuar një performancë të mirë të portierit të Kosovës. Loja ishte në jug të Anglisë, në qytetin ‘bregdetar’ Brighton and Hove. Mbramë kemi pasur diskutime të shumta nëpër chat grupet me miqtë e futbollit rreth tij.
Ai kishte pasur dje një performancë shumë të mirë për ekipin e tij anglez Ipswich. Ishte vlerësuar me notën më të lartë 10. Ipswich luajtën me Brighton dhe morën një pikë, rezultati 0:0. BBC pas ndeshjes përdori tituj si “Magjia e Muric” ose një medium tjetër “Ipswich fiton një pikë, derisa Muric shkëlqeu”. Në Kosovë, ata që ishin kundër ndëshkimit të tij nga Kosova, e morën këtë si shkas me akuzu Prishtinë rreth mosftesën në grumbullim kundër Qipros ku Kosova fitoi bindshëm.
Por, nuk është kaq bardh dhe zi puna e Muric. Nuk ka dyshim që ai është një lojtarë i mirë dhe i rëndësishëm për Kosovën. Por këto gjëra nuk ndërlidhen. Problemin më të madh Aro Muric e ka konsistencën. Ai mund të luajë me notën 10 sot e nesër t’i bëjë disa gabim trashanike.
Kështu kishte ndodhur edhe me rastin në fund të gushtit kur ekipi i tij ishte në avantazh dhe pastja, kryesisht për shkak të gabimeve të tija dhe mbrojtjes, City shënoj 3 gola brenda 5 minutash. Kishte qenë një ndeshke e tmerrshme për Muric.
Si duket, çështja kryesore rreth Muric është të gjejë stabilitet. Të jetë më konsistent. Të jetë më i fokusuar. Ndërsa ndëshkimi diciplonor në Kosovë nuk ka lidhje me këtë. Ai kishte gabuar kur nuk kishte respektuar rregullat e kombëtares së Kosovës dhe ishte ndëshkuar me të drejt. Ajo vetëm i bënë mirë këto lojtari. Ka shumë lojtarë top të talentuar që për shkak të lifestyle, mos disiplinës, e kanë humbur karrierën e tyre, ose nuk e kanë arritur asnjëherë potencialin e tyre.
Disiplina, fokusi, koncentrimi mund të i sjellin konsistencën e shumë nevojshme për Aro Muric. Rrjedhimisht, lidhjet nëse ka gaba menaxheri i Kosovës që e ka ndëshkuar me performancën e tij dje nuk ka lidhje aspak. Janë gjëra të ndryshme.
Por Aro mund të ketë kuptuar tashmë se çfarë duhet të bëjë në të ardhmen. Ai jo vetëm që duhet të respektoj rregullat dhe të fokusohet në konsistencë, ai e ka për detyrë të jetë një model i mirë për lojtarët e tjerë të ri. Dje ai ka demostruar që e ka talentin dhe shkathtësinë me u bë një top portier. E Kosova ka nevojë për një portier që ndihet e sigurtë brenda dhe jashtë fushës.
