Kryetari i Komunës së Gjilanit, Alban Hyseni, ka pritur sot në takim ambasadoren e Kroacisë në Kosovë, Daniela Barishiq dhe zv. ambasadorin Nedjelko Shpilek.
Gjatë këtij takimi, i pari i Gjilani, i informoi mysafirët për punët dhe prioritetet e kësaj komune.
“Sot pritëm në takim ambasadoren e Kroacisë në Kosovë Danijela Barishiq. E njoftova për angazhimin tonë në sektorin e zhvillimt ekonomik, arsimit dhe shëndetësisë”, tha Hyseni, njofton Komuna e Gjilanit.
Po ashtu, në njoftim thuhet se ata kanë diskutuar gjithashtu për mundësitë e bashkëpunimit në sektorë të tjerë si dhe për miqësinë mes dy vendeve dhe bashkëpunimin në të ardhmen.
Ambasadorja e Kroacisë në Kosovë, Daniela Barishiq, shprehu gatishmërinë e bashkëpunimit në fusha të ndryshme me theks të veçantë në fushën e arsimit dhe kulturës, duke përfshirë këtu edhe shkëmbimin e studentëve.
Gjatë takimit është diskutuar edhe rreth mundësisë së binjakëzimit të Gjilanit me ndonjërin prej qyteteve të Kroacisë.
